URDU POET

غزل
اپنا سمجھ کے آپ سے اُلجھے کبھی نہیں

جلتے ہیں روز آگ میں بھڑکے کبھی نہیں
جب آپ کا خیال بھی اوروں کی اُور تھا

ہم بھی متاع جان سے گُزرے کبھی نہیں
دل میں تو آندھیوں کا بڑا خوف تھا مگر

اُس نے جلائے دیپ جو بُجھتے کبھی نہیں
کہتے ہیں صاف صاف جو کہنے کی بات ہو

کینہ کسی کی ذات سے رکھتے کبھی نہیں
خاصا کرم خدا کا ہے ثابت قدم جو ہیں

ہم ٹُوٹتے تو روز ہیں بکھرے کبھی نہیں
نکلے جو ہم حدود سے بھاگے حدود میں

میٹھی زباں یہ لوگ بھی سمجھے کبھی نہیں
جن کی زبان تیر ہو ہتھیار ہاتھ ہوں

شاکر خدا کی مار سے بچتے کبھی نہیں
سلامت شاکر ساہیوال